எலக்ட்ரிக் பைக்

தற்போதைய காலகட்டத்தில் எலக்ட்ரிக் பைக்குகள் அனைவரும் விரும்பும் ஒன்றாக உள்ளது. பெட்ரோல், டீசல் விலைகளும் உயர்ந்து வரும் இந்த காலத்தில் எலக்ட்ரிக் பைக்குகளை பலர் வாங்கி வருகிறார்கள். இதனால் சுற்றுசூழலுக்கும் நன்மை ஏற்படுகிறது. அரசும் எலக்ட்ரிக் வாகனங்களை ஊக்கப்படுத்தி வருகிறார்கள். பல நிறுவனங்கள் புதிதுபுதிதாக வாகனங்களை விற்பனை செய்து வருகிறார்கள்.

நூர்துங்

இதன் வடிவமைப்புகள் மிகவும் சிறப்பாக உள்ளன. நூர்துங் எலக்ட்ரிக் பைக் பல சிறந்த அம்சங்களுடன் அறிமுகப்படுத்தப்பட்டுள்ளது. பைக்கின் தரமும் சிறப்பாக உள்ளது. இது சமீபத்தில் நடைபெற்ற யூரோபைக் 2022 நிகழ்வில் அறிமுகப்படுத்தப்பட்டுள்ளது.

அம்சங்கள்

நூர்துங் என்ற மின்சார பைக்கில் காற்று மாசுபாடு சென்சார், ப்ளூடூத் இணைக்கப்பட்ட ஸ்பீக்கர், பூம் பாக்ஸ் பவர் பேங்க் போன்ற அம்சங்கள் காணப்படுகின்றன. இந்த மின்சார பைக்கின் வடிவமைப்பும் மிகவும் அழகாக உள்ளது.

சார்ஜிங்

பல சிறப்பான அம்சங்களை கொண்ட இந்த பைக்கினை ஒருமுறை சார்ஜ் செய்தால் 60 கிலோமீட்டர் வரை செல்லும். பூம்பாக்ஸுடன் சுமார் 20.8 கிலோ எடை கொண்டுள்ளதால், மிகவும் லேசான பைக்காக இது உள்ளது. இந்த பைக்கில் கார்பன் ஃபைபரால் செய்யப்பட்ட பிரேம் உள்ளதால் யார் வேண்டுமானாலும் இதனை எளிதாக இயக்க முடியும்.

சிறப்பான அம்சங்கள்

நீங்கள் பயணம் செய்யும் போது காற்று மாசுபாட்டை கண்டறிய காற்று மாசு சென்சார் அதன் காற்று மாசு தரவு நெட்வொர்க்கில் கொடுக்கப்பட்டுள்ளது. ஸ்பீக்கர்கள் நவீன உயர் தொழிநுட்பத்துடன் வருகிறது. பட்டன்களை பயன்படுத்தி பைக்கை எளிதாக கட்டுப்படுத்த முடியும்.

பேட்டரி அம்சம்

இந்த நூர்துங் பைக்கில் 300Wh பேட்டரி உள்ளதால் இது 60 கிலோமீட்டர் வரை செல்லும் வாய்ப்புக்கள் உள்ளது. இதனை 100W சார்ஜர் மூலம் மூன்று மணி நேரத்தில் முழுமையாக சார்ஜ் செய்ய முடியும்.

விலை

முன்கூட்டியே ஆர்டர் செய்பவர்களுக்கு தற்போது நூர்துங் எலக்ட்ரிக் பைக் கிடைக்கிறது. இது €6,990 க்கு கிடைக்கிறது. தோராயமாக இந்திய மதிப்பில் ரூபாய் 5,50,352 க்கு கிடைக்கிறது.